Қазақстанда жолдарға қатысты жаңа тыйым енгізіледі
Көлік вице-министрі Мақсат Қалиақпаров Қазақстанда ауыр жүк көліктеріне қатысты тыйым туралы айтты, - деп хабарлайды Tengrinews.kz тілшісі.
Тыйым енгізілгеннен кейін Қазақстан жолдарында ауыр жүк көліктері жүрмейді. Бұл норма салмағы 25 тонна болатын жүкті тасымалдаушыларға қолданылмайды.
"Белгіленген 25 тоннаның орнына 100 тоннадан аса жүк таситын көліктер бар. Бұл жүк көліктері карьерлерде жүретін техника санатына жатады, яғни оларды карьерлерде міну керек. Тиісінше, мультипликатив әсер бар, яғни жолдар нашар, бірақ онда ауыр жүк көліктері де жүреді... Рұқсат етілген нормаға тыйым салмаймыз, рұқсат етілген нормалар шегінде жүруге рұқсат. Бірақ карьерлерде жүретін жүк көліктерімен жолдарға шығуға тыйым саламыз", - деді Мақсат Қалиақпаров Сенат кулуарында.
Оның айтуынша, ауыр жүк көліктері 500 миллиард теңгенің жолын жиі бұзады. Сондықтан республикада жаңа тыйым енгізіліп жатыр. Оны бұзғандар үшін Әкімшілік құқық бұзушылық туралы кодекс (ӘҚБтК) шеңберінде айыппұлдар көзделеді. Сома әлі белгісіз.
"Әрине, айыппұлдар болады. Бұл жай ғана емес, құқықтық қорытынды болады, одан кейін есептеулер жүргізіліп, ӘҚБтК сәйкес айыппұлдар салынады", - деп толықтырды вице-министр.
Құжат әзірлену үстінде. Шенеунік оның қашан күшіне енетінін айтпады, бірақ бұл жыл аяғына дейін болуы мүмкін деп қосты.
