Қармақшы ауданы Полиция бөлімінде саптық байқау өтті

Қармақшы ауданы Полиция бөлімінде жеке құрам сапқа тұрғызылып, жазғы киім нысанына көшу бойынша саптық байқау өткізілді.

Саптық байқаудың мақсаты - жеке құрамның жазғы кезеңге дайындығы, нысандық киім үлгісін тексеру. Саптық байқауда қызметкерлердің киім үлгісі, қызметтік куәліктері және жеке жетондарының талаптарға сәйкестігі тексерілді.

Саптық жиында бөлім бастығының бірінші орынбасары полиция капитаны Жандарбеков Ермек Айтбекович аудан аумағында қоғамдық тәртіпті сақтау, көшелер мен қоғамдық орындарда құқық бұзушылықтар мен қылмыстардың алдын алу және жолын кесу мақсатында, жеке құрамға нұсқаулықтар берді.