Құлсары қаласының 7 шағын ауданына тасқын су қаупі төніп тұр
Фото: Рахим Қойлыбаев
Атырау облысының жедел штабының мәліметінше, Құлсары қаласында 2810 тұрғын үй мен әкімшілік нысандарды тасқын су басқан.
Тасқын судан шағын орта бизнес иелері де зардап шегіп отыр. Қазір 6 кәсіпкерлік нысанының ауласына су кірген.
«Құлсары қаласында 31 наурыздан бері тұрғындар көшіріліп жатыр. Бүгін, 7 сәуірде сағат 08:00-дегі мәліметке сәйкес, Құлсары қаласындағы «Атырау», «Достық», «Мирас», «Жадырасын», «Мерей», «Шұғыла», Мешіт маңы ауылынан 29 545 адам қауіпсіз жерге эвакуацияланды. Оның ішінде 7 396 бала бар. Эвакуациялық пункттерге 8 011 адам орналастырылды. Олардың 4578-і – балалар», деп мәлім етті облыстық жедел штаб.
egemen.kz
