Синоптиктер 20 ақпанға арналған ауа райы болжамын жариялады. Болжамға сәйкес, еліміздің басым бөлігінде аяз әлі де қысады, деп хабарлайды Egemen.kz.  

Мамандардың айтуынша, 20 ақпанда Қазақстанның басым бөлігінде жауын-шашынсыз аязды ауа райы сақталады, тек республиканың батысында, оңтүстігінде және оңтүстік-шығысында атмосфералық фронтальды бөліктердің өтуіне байланысты қар жауып, бұрқасын күтіледі. Республиканың оңтүстігінде, оңтүстік-шығысында және орталығында суық жел күшейеді, елдің батысында, оңтүстігінде және оңтүстік-шығысында тұман түсуі мүмкін.

Жетісу өңірінде 30-35 градус, Шығыс Қазақстан облысының солтүстігі мен шығысында (-45 градусқа дейін) өте қатты аяз болады.