2024 жылдың наурыз айында қазақстандықтар қалай демалады?

Қазақстанда 2024 жылдың наурыз айында екі мемлекеттік мереке атап өтіледі: Халықаралық әйелдер күні және Наурыз мейрамы, деп хабарлайды Zakon.kz.
8 наурыз Халықаралық әйелдер күні жұмаға сәйкес келеді.
Нәтижесінде қазақстандықтар былай демалатын болады:

• бес күндік жұмыс аптасы үшін – үш күн қатарынан: 8, 9 және 10 наурыз (жұма, сенбі, жексенбі);
• алты күндік жұмыс аптасы үшін – екі күн: 8 және 10 наурыз (жұма, жексенбі).

Қазақстандықтар Наурызды бес күн тойлайды.

• бес күндік жұмыс аптасы үшін бес күн демалыс: 21, 22, 23, 24 және 25 наурыз (бейсенбі, жұма, сенбі, жексенбі, дүйсенбі). Сенбіден демалыс күні дүйсенбіге ауыстырылады.
• алты күндік жұмыс аптасы үшін – төрт күн: 21, 22, 23 және 24 наурыз демалыс күндері болады (бейсенбі, жұма, сенбі, жексенбі).

Барлығы наурыз айында бес күндік жұмыс аптасында 14 демалыс және 17 жұмыс күні, ал алты күндік жұмыс аптасында 9 демалыс және 22 жұмыс күні болады.