«Сыр жастары» бағдарламасымен 100 жас отбасы баспаналы болмақ
«Сыр жастары» аймақ жастарына деп жеңілдетілген ипотекалық несие беру бағдарламасы қабылданды. Бағдарламаны жүзеге асыру үшін облыстық бюджеттен 1 200,0 млн теңге, «Отбасы банк» АҚ тарапынан 500 млн.теңге қаржы бөлінген. Бұл туралы Өңірлік коммуникациялар қызметінің баспасөз алаңында облыстық қоғамдық даму басқармасының басшысы Алмасбек Есмаханов баяндады.
- «Сыр жастары» бағдарламасына құжат қабылдау 12-26 қазан аралығында ұйымдастырылып, конкурсқа 789 жастан өтінім түсті. 2023 жылдың соңына дейін бағдарлама аясында 100 жас отбасы баспаналы болады деп жоспарлануда» ,- деді Алмасбек Әбілқасымұлы.
Қызылорда облысының Өңірлік коммуникациялар қызметі
