Нұрмағамбет Жанайұлы атындағы шығармашылық байқау өз мәресіне жетті
qarmaqshy-tany.kz Қармақшы ауданы Тұрмағамбет ауылында Ұлы Отан соғысының ардагері, майдангер ақын, 100 шайырдың бірі Нұрмағамбет Жаңайұлын еске алу мақсатында аудандық білім бөлімінің ұйымдастыруымен оқушылардың шығармашылық байқауы өтті.
Эссе, мәнерлеп оқу мен терме номинациясы бойынша өткен байқауға аудан мектептерінің оқушылары белсене қатысты.
Марапаттау салтанатына Қармақшы ауданы бойынша білім бөлімінің басшысы Абдазиева Гүлзира Мажитқызы арнайы қатысып, майдангер ақынның өмір жолын насихаттаудағы ұрпақтар үлесі мен осы шараға қатысқан оқушылардың шығармашылыққа бейімділігі туралы айтып, осындай талантты және дарынды, қабілетті балалар ертеңгі мемлекетіміздің жарқын болашағының жемісі болатындығын жеткізді.
Сондай-ақ шығармашылық байқау қортындысы бойынша үздік нәтиже көрсеткен оқушылар марапатталып, бағалы сыйлықтарға ие болды.
Сонымен қатар шара соңында шақырылған арнайы қонақтар шығармашылық байқауды ұйымдастырушыларға алғыстарын жеткізіп, барша жастардың білім бәсекесінде биік болуына сәттілік тіледі.
