qarmaqshy-tany.kz Қармақшы аудандық білім бөлімінің 2023 жылғы №07-08/3979 хатына сәйкес Оқу ағарту министрлігінің 24-29 қыркүйек арасында оқу жаттығу ұйымдастыру тапсырылған.

Тапсырмаға сәйкес Жосалы кенті А.Жанпейісов атындағы №105 мектеп- лицейінің алғашқы әскери даярлық пәнінің мұғалім Ешбаев Орынбек және мектеп әкімшілігінің ұйымдастыруымен оқу жаттығу жұмысы өткізілді.

Жаттығудың мақсатымен мектеп директорының тәрбие ісі жөніндегі орынбасары А.Қозыбақов таныстырып өтті.

Жаттығу барысында эвакуациялауды ұйымдастыру жұмыстары жүргізілді. Мектеп ғимаратындағы оқушылар,техникалық қызметкерлер және мұғалімдер эвакуацияланды. Барлық қатысушыларға қауіпсіздік ережелері таныстырылды.

Сонымен қатар объект аймағында жарылғыш құрылғыларда орнатылуы мүмкін орындарды анықтау жұмыстары жүргізілді.

Сонымен бірге мектеп-лицейдің мұғалімдері мен техникалық қызметкерлеріне қауіпсіздік ережелері, бөгде зат табылған жағдайда іс-қимыл әрекеттері түсіндірілді.