Бүгін «AMANAT» партиясы жанындағы фракция мүшелері Мемлекет басшысы Қ.К.Тоқаевтың Жолдауын талқылау мақсатында отырысы өтті. Сонымен қатар күн тәртібінде қосымша 2 мәселе қаралды. Атап айтқанда: 1. "Кедергісіз келешек" жобасы аясында атқарылған жұмыстар туралы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының есебін тыңдау 2. Мектеп асханасында ыстық тамақты тегін ұйымдастыру мәселелері қаралды.

Отырыста Президенттің «Әділетті Қазақстанның экономикалық бағдары» атты Жолдауында айтылған ауқымды саяси реформалар бағдарламалары мен бірқатар әлеуметтік-экономикалық шаралардың негізгі аспектілері жайында сөз қозғалды.

«Білім күнімен қатар келген Мемлекет басшысының Жолдауында нақты тапсырмалар мен міндеттер айтылды. Еліміздің болашақтағы бағдары нақтыланды. Президент халықтың шешімі табылмай жүрген мәселелерін атап өтті. Бұл Жолдау әрбір қазақстандықтың әл-ауқатының сапалы, саналы өсуін қамтамасыз етеді деп ойлаймын»-деді «AMANAT» партиясы аудандық филиалының төрағасы Әділ Үсенұлы.

Жиын барысында фракция мүшелері еліміздегі саяси өзгерістердің жүзеге асуына үлес қосатындығын, Жолдау жүктеген міндеттер мен мақсаттардың өз дәрежесінде орындалуына атсалысатындықтарын жеткізді.