«Кедергісіз келешек» жобасы аясында мониторинг жүргізілді

"Аманат" партиясының филиалы жанынан «Кедергісіз келешек» жобасы аясында құрылған топ өкілдері мүмкіндігі шектеулі азаматтардың қолжетімділігінің қамтамасыз етілуін бақылау мақсатында Қармақшы ауданындағы бірқатар орындарға мониторинг жұмыстарын жүргізді.

Мониторинг барысында анықталғаны бірқатар мекемелерде мүмкіндігі шектеулі азаматтарға кедергісіз орта қалыптасқан. Олар үшін пандустар, шақыру нүктелері мен арнайы қабылдау үстелдері т.б қажетті заттар қарастырылған. Алдағы уақытта мониторинг жұмыстары өз жалғасын табатын болады.