Жол ережесін білу – бәріне міндет

qarmaqshy-tany.kz Қармақшы ауданының Полиция бөлімінің кәмелетке толмағандар істері жөніндегі учаскелік полиция инспекторы полиция лейтенанты Жұбатқанова Мадина «Абайлаңыз-балалар!» жедел-профилактикалық іс-шара аясында №105-ші мектеп-лицейінің оқушыларымен тәрбие сағатын өткізді.

Тәрбие сағатында балаларға барынша түсінікті ету мақсатында инспектор жол ережесіне арналған суреттерді көрсету арқылы ақпараттар беріп, балалардың жолда жүру ережесін есте сақтап қалуына, жол белгілерінің неше түрі бар екенін, оны не үшін білу қажеттілігіне тоқтап, барлығымызға ортақ қойылған тәртіпті бұзбауға шақырды. Бұл іс-шараның жалғасы әлі де жүргізіле беретін болады.