Еліміздің бірқатар өңірінде тағы да күн суытады
Осы аптада ауа райы құбылмалы болады
фото: ашық дереккөз
«Қазгидромет» РМК синоптиктері елімізде 27-29 сәуірде ауа райы қандай болатыны туралы болжам жасады.
Болжам бойынша, осы аптада солтүстік-батыс циклонының атмосфералық фронтал бөліктері ықпалынан батыста, солтүстік-батыста, одан кейін шығысқа ауысқан сайын солтүстік, орталық және шығыс облыстарда найзағай ойнап, жаңбыр жауады. Еліміздің барлық жерінде жел күшейіп, батыс және оңтүстік облыстарда құмды дауыл болады.
Күндіз ауа температурасы біртіндеп көтеріледі. Батыс өңірлерде 23-33 градусқа дейін, оңтүстікте 27-35 градусқа дейін, оңтүстік-шығыста 23-30 градусқа дейін. Елдің қалған аумағында 27-28 сәуірде қазіргі температуралық фон сақталады. Бірақ 29 сәуірде түнде 2-10, күндіз 10-18 градусқа дейін төмендейді, – делінген хабарламада.
Әсіресе, еліміздің солтүстік өңірлерінде күн суытады.
