Солтүстік өңірлерде бос жұмыс орындары көп
qarmaqshy-tany.kz Қармақшы ауданына Солтүстік өңірлерден жұмыс күшімен қамтамасыз ету, өңірлік диспропорция мен демографиялық теңгерімсіздікті жою мақсатында, ерікті түрде қоныс аударуға жәрдемдесу есебінен еңбек ресурстарының аймақтық ұтқырлығын ынталандыру үшін Абай, Қостанай, Павлодар және Ұлытау облыстарының жұмысшы тобы келді.
Жұмысшы топ өкілдері Ақтөбе, Дауылкөл ауылдарында және Жосалы кенті орталығында «Адина» сауда дүкенінің алдында аудан тұрғындарымен кездесіп, солтүстік өңірлердегі бос жұмыс орындары туралы толық мәлімет берді.
Сондай-ақ, аудандық жыраулар үйінде аудан әкімінің орынбасары Жұлдызхан Байназарұлының қатысуымен бос жұмыс орындарының жәрмеңкесі өткізілді.
Жиында ақпараттық-түсіндірме жұмыс тобы Солтүстік өңірлердегі бос жұмыс орындары мен ерікті түрде қоныстанушыларға көрсетілетін мемлекеттік қолдау шаралары туралы толыққанды ақпараттар ұсынды. Артынша қатысушылар тарапынан түрлі сауалдар қойылды. Оның ішінде басым бөлігі үй мәселесі мен жалақы жайын көтерді.
