qarmaqshy-tany.kz Алдашбай ахун ауылындағы №111 орта мектепте «Айбын – 2023» әскери-патриоттық жастар жиынының аймақтық кезеңі бойынша №111, №185, №186, №29, №28 мектеп оқушылары арасында әскери ойын түрлерінен аудандық кезеңге іріктеу жарысы өтті.

Жарысты №111 мектеп директоры Айжан Сүйінбаева ашып, оған қатысушыларға сәттілік тілеген соң жас сарбаздар әскери ойынның әртүрі бойынша өзара бақ сынасты.

Тартысты да қызықты сәттермен айшықталған жарыста оқушылар түрлі әскери қимылдар мен спорттың түрлерінен сайысқа түсуде өз өнерлерін көрсетті.

Жарыста үздік ойындарымен танылған командалар мен спортшылар арнайы дипломмен марапатталып, ұстаздар мерейін тасытты.

Ал, жарыста үздік деп танылған спортшылар аудандық кезеңге жолдама алды.