qarmaqshy-tany.kz Ұлыстың Ұлы күні-Наурыз мерекесі құтты болсын! Наурыз-көнеден келе жатқан мейрам. Күні бүгінге дейін жер шарындағы көптеген халықтардың дәстүрлі мейрамына айналған. Наурыз бақыттың бастамасы, жақсылықтың жаршысы, өмірге нұр сыйлаған, сезімге гүл сыйлаған, халық қастерлейтін күн. Ақ түйенің қарны жарылған күн. Наурыз күн мен түннің теңелер мезгілі. Қар еріп жер жүзі көктеп, көгеріп, тіршілік атаулыға жан бітіп, жасаратын шақ. Бұл аталарымыз бен әжелеріміздің үй-үйді аралап, Наурыз көжеден дәм тататын күн.

Қармақшы ауылдық кітапханада Наурыз мерекесіне орай "Наурыз-көктем, Наурыз-жыр" атты мерекелік кеш болды. Кеште оқырмандар ән айтып, өлең оқып, билеп, өз өнерлерін көрсетті. Оқырмандар наурыз көжеден дәм татып, әжелері бата берді. "Ұлыс оң болсын, ақ мол болсын! Ұлыс бақты

болсын, төрт түлік ақты болсын" деп, өткенге салауат айтып, келер күннен береке тілеп, ақ көңілі, адал жүрекпен дос құшақтарды айқастырып табысатын қасиетті күн-Наурыз мерекесі құтты болсын ағайын!