qarmaqshy-tany.kz Е.Көшербаев атындағы №279 мектеп-лицейінің тәрбие ісі жөніндегі орынбасары К.Кенжалиеваның ұйымдастыруымен 1 - Наурыз "Алғыс айту" мерекесіне орай "Шын жүректен мың алғыс!" тақырыбында мерекелік концерт өткізілді. Шара барысында "Асыл" әжелер мектебі, "Тағылым" әкелер мектебі, мектеп өнерпаздары ән-шашуларын арнап, көрермендерге көңіл-күй сыйлады. Мектеп-лицей директоры Ф. Аманова қатысушы қонақтарға, ұжымға мерекелік жылы лебізін білдіріп, мектеп қызметкерлерін алғыс хатпен марапаттады. Шараға білім бөлімінің әдіскері А.Есенгельдина, ата-аналар кеңесінің төрайымы Л.Азербаева, "Тағылым" әкелер кеңесі төрағасы Д.Итигулов, Ақай ауылдық клуб үйінің директоры Б.Нұрмағанбетов, Ақай ауылдық ауруханасының медбикелері және мектеп ата-аналары қатысты. Мерекелік шара жоғарғы деңгейде өткізілді.