Turbo Jetts – ХХІ ғасыр аяқкиімі
"Razor" компаниясы "Turbo Jetts" деп аталатын электроролик жасап шығарды. Ыңғайлы өлшем, онша ауыр емес (2,3 келі) аяқ киімді кез келген уақытта жол сөмкеңізге салып жүруіңізге болады.
Жаңа ролик кроссовка сияқты аяққа киіледі. Өлшемі универсал – 25-тен 46-ға дейін болып, 9 жастан асқан балалардан бастап пайдалануға болады. Бір ғана шектеу – электроролик иесінің салмағының ауырлығы 80 келіден асып кетпеуі керек. Әйтпесе ролик аккумуляторының қуаты тез бітіп қалады.
Ролик қозғалтқышы қозғалыс басталғанннан-ақ автоматты түрде қосылады. 12 вольтты аккумулятор роликтің табан бөлігіне орнатылған. Максимал жылдамдығы сағатына 16 шақырым. 80 ватты электроқозғалтқыштың қуаты 30 минутқа жетеді.
"Бұл роликтен кез-келген адам пайдалануға болады. Аталған роликтер қауіпсіз әрі ыңғайлы" – дейді компания мамандары.
massaget.kz
