"Оқуға құштар мектеп" жобасының маңыздылығы

qarmaqshy-tany.kz Шоқан Уәлиханов атындағы №26 орта мектебінде "Оқуға құштар мектеп" жобасы аясында "Жастардың оқуға құштар құзіреттілігін дамыту" тақырыбында аудандық семинар болып өтті. Семинарға аудандық білім бөлімінің әдіскері А.Қосанова және аудан мектептерінің кітапханашылары мен мектеп оқушылары қатысты. Семинар "Оқуға құштар мектеп" жобасының 4 бағыты бойынша жүргізілді. Олар "20 минут оқы, 3 минут эссе жаз" бағыты бойынша Б.Момышұлының "Ұшқан ұя" повестьін талдау, "Алаш зиялылары" мәнерлеп оқу, "Ертегімен есейем", "Мақта қыз бен мысық", "Зайкина избушка" ертегілерінен көрініс, "Отбасы-бақыт мекені" ата-аналармен тренинг, "Readx" форматында М.Әуезовтың "Қорғансыздың күні", Ә.Нұршайықовтың "Махаббат қызық мол жылдар", Ж.Аймауытовтың "Ақ білек", М.Дулатовтың "Бақытсыз Жамал", М.Мақатаевтың "Аққулар ұйықтағанда" шығармаларын оқушылар талдап, пікірлерімен бөлісті.