qarmaqshy-tany.kz Байқоңыр қаласы №277 мектеп–лицейінде 20.02.2023 жылы Қазақстан Республикасы Мемлекеттік сыйлығының иегері, жазушы, драматург Д.Исабековтың «Гауhар тас» шығармасы бойынша 8 «Ә» сынып оқушыларының қатысуымен әдеби кеш өтті. Мақсаты: Д.Исабековтың «Гауһар тас» атты шығармасының мазмұнымен таныстыра келіп, мәтіндегі негізгі ойды, идеяны ұғындыру, кітап оқуға қызығушылығын арттыру, пікірлерін еркін айтуға, өз көзқарастарын дәлелдей білуге үйрету. Осы шығарма арқылы оқушыларды адамгершілікке, мәдениеттілікке, қайырымдылыққа, мейірбан болуға, отбасын қадірлеуге, жағымсыз қасиеттерден аулақ болуға тәрбиелеу. Кеш барысында Дулат Исабековтың еңбек жолы, шығармашылығы таныстырыла отырып, оқушылар ән айтып, би билеп, көрініс көрсетті.