«Озық технологияларды сабақта пайдалану арқылы оқушының пәнге деген қызығушылығын арттыру»

qarmaqshy-tany.kz Қармақшы ауданы бойынша білім бөлімі әдістемелік кабинеттің жылдық жоспарына сәйкес Ү.К.Томанов атындағы №183 орта мектепте «География пәнінен "Озық технологияларды сабақта пайдалану арқылы оқушының пәнге деген қызығушылығын арттыру" тақырыбында аудандық коучинг сессия жұмысы өтті.

Коучинг барысында сабақта қолданылатын озық технологиялармен бөлісіп, тың идеяларды ортаға салу, талқылау, сонымен қатар оқушыларды креативті ойлау дағдыларын жетелеуге арналған тапсырма түрлерімен бөлісу мақсатында аудан мектептерінің география пән мұғалімдерін қатыстыра отырып, кәсіби бағыт-бағдар берілді.

Қатысушы мұғалімдер АКТ-ні қолдана отырып, топтық жұмыстарда платформаларды тиімді пайдаланып, тренинг барысында белсенді жұмыс жүргізді. Коучинг соңында жүргізілген жұмыстар бойынша «SWOT» - талдау» жасалып, бүгінгі жұмыстардан өздері үшін қажетті ақпараттармен бөлісіп, кері байланыс берді.