Алматыдағы оқу-жиынында тәжірибе алмасты

qarmaqshy-tany.kz Алматы қаласында өңір жастарының озық жобалар бойынша тәжірибе алмасу мақсатында Қызылорда Облыстық Білім Кәсіподағының ұйымдастыруымен “Қуатты Қазақстан идеясы - Жастарды жігерлендіру негізі” тақырыбындағы оқу-жиынына Қармақшы ауданы №105 мектеп-лицейінің қазақ тілі мен әдебиеті пәнінің мұғалімі, "Ұшқыр ой алаңы" "Парасат" дебат клубының жетекшісі Сайлауов Нұрперзент арнайы қатысты.

Бұл басқосуға Қызылордалық белсенді жас ұстаздар тартылды. Өзара тәжірибе алмасып, озық жобаларды талқылау жұмыстары жүргізілді.

Түрлі тақырыптарда тренинг өткізіліп, жаңа жоспарлар құрылды.

Күн тәртібінде білім беру ұйымдарындағы дебат клубтарының жұмысын үйлестіру, мұғалімдер арасындағы стартап жобаларды жүзеге асыру, өзін-өзі басқару бағыты бойынша идеялар алмасу секілді мәселелер қаралды.

3-6 қаңдар аралығында өткен оқу-жиын қорытындысы бойынша белсенділігі үшін Сайлауов Нұрперзент "Үздік жас ұстаз" номинациясымен марапатталды.