qarmaqshy-tany.kz Ел президенті Қасым-Жомарт Кемелұлы Тоқаевтың жарлығымен 2022 жыл "Балалар жылы" деп жариялады.

Осы орайда Қармақшы Аудандық балалар кітапханасында "2022 жыл -Балалар жылы" қорытындылау мақсатында «Бар мейірім балаларға» атты мерекелік кеш ұйымдастырылды.

Мерекелік кешке Аудандық оқушылар үйінің педагог-зерттеуші «Бейнелеу өнер» үйірмесінің жетекшісі Жұмабеков Ербол Ерғабылұлы, Ахметжан Жанпейісов атындағы №105 мектеп-лицейінің оқушылары мен мұғалімдері Берікбаева Ақерке Амангелдіқызы мен Каналиева Жұлдызай Утегеновна, Қалалық кітапхана меңгерушісі Бағия Сармолдина қатысты.

Марапаттау рәсімінде «Бейнелеу өнер» номинациясымен белсенділік көрсеткені үшін 16 оқушы, «Кітапханаға құштар сынып» жобасы аясында 17 оқушы, көпшілік іс-шараларға белсенділік көрсеткені үшін 6 оқушы, Қармақшы ОКЖ директоры К.Б.Қаниеваның алғыс хатымен марапатталды.

Қармақшы Аудандық мәдениет және тілдерді дамыту бөлімінің басшысының Д.Д.Ержановтың алғыс хатымен Е.Е.Жұмабеков, А.А.Берікбаева, Ж.У.Каналиева  марапатталды. Мерекелік кешіміз концерттік бағдарламаға ұласты.

Бала бақытты болса, отбасы бақытты айнала бақытты, тұтас ел, ұлт бақытты. Ал бақыттылардан деп алған бала нағыз мемлекеттің тірегі. Келе жатқан Жаңа 2023 жылмен шын жүректен құттықтаймыз. Келіп жеткен жаңа жыл жағымды жаңалықтарға толы болсын.