qarmaqshy-tany.kz Қармақшы ауданы бойынша жалпы орта білім беретін кешкі мектебінде "Интернеттің пайдасы мен зияны "тақырыбында дебат (пікірталас) өткізілді.

Мақсаты: Бүкіләлемдік өрмек-интернетке байланысты оқушылардың білімдерін нығайту,тиянақтау, оқушылардың тапқырлық, ізденімпаздық қасиеттерін қалыптастыру, шығармашылыққа баулу;

-Оқушыларды өз ойларын тиянақты жете айта біліп, сахнада өздерін сабырлы әрі тәртіпті ұстауды ескеріп, қарсыластарын тыңдай білуге тәрбиелеу.

Пікірталаста 9-11 сынып оқушыларынан құралған "Болашақ" фракциясы үкімет тарапынан және "Мұрагер" фракциясы оппозиция тарапынан пікір сайысқа түсті.

Қатысушылар пікірталас барысында уақытты ұтымды пайдалана отырып, өз позицияларын қорғай алды. Ойын өте тартысты да, қызықты өтті. Ойын барысында өздерінің ұшқыр ойларымен және тапқырлық қасиеттерімен жоғары деңгейде көрсете алды. Нәтижесінде "Мұрагер" фракциясы жеңіске жетті.