Тілім менің ғасырлардан аманат

qarmaqshy-tany.kz Пікір сайыс – белгілі ереже бойынша қарсы тараптың өз позициясын қорғап, көпшілік алдында сөйлеуі. Ол ораторлық қабілет пен ойлау жүйесін дамытады. Пікір сайыс немесе дебат грек тілінен «оқимын», ал француз тілінен «талқылау» деген мағынаны білдіреді. Дебат – аргумент арқылы жеңу. Онда қарсы тараптар қоғамды өз сөзіне сендіруі керек. Пікірсайыста маңыздысы – аргумент, бірақ әр түрлі риторикалық әдістер, аудиториямен жұмыс жасау қабілеті ескеріледі. Ол – шешендік өнердің бір түрі, риториканың бір бөлігі. Демократиялы елдерде президент сайлауы пікір сайыс арқылы өтеді. Қазіргі уақытта студент жастарды шешендік өнерге баулуда дебат қозғалысы ерекше рөл атқарадыОсы мақсатта Қармақшы аграрлы-техникалық колледжінің ұйымдастыруымен студенттер арасында «Ұшқыр ой алаңы» дебат клубы құрылып, студенттерге пікір-сайысты ойнаудың ережесі түсіндіріліп, семинар-тренинг ұйымдастырылды. Шара соңында «Тілім менің ғасырлардан аманат» тақырыбында мемлекеттік тілдің қолданылу аясы, мемлекеттік тілді қолдау мен қорғаудың аспектілері, мемлекеттік тілді дамытудың бағыттары талқыға салынды.