Ұлтжандылыққа тәрбиелеу

qarmaqshy-tany.kz Қармақшы аудандық балалар кітапханасының "COWORKINC" орталығында Қармақшы ауданының оқушылар үйінің "Бейнелеу өнері" үйірмесінің ұйымдастыруымен "Ұлағат болсын ұлыма, ғибрат болсын қызыма" тақырыбында тәрбие сағаты болып өтті. Мақсаты: Қазақтың ырым - тыйым, салт дәстүрін насихаттау, ұлтжандылыққа тәрбиелеу.

Үйірме мүшелері мен аудандық оқушылар үйінің ұстаздары Манасова Құралай, Аймаханова Марал және ата-ана Шарапова Қызғалдақ, балалар кітапханасының меңгерушісі Аманова Айнұр, кітапхана зейнеткері Боқтыбаев Ілиясбек қатысты. Тәрбие сағатында үйірме мүшелері 3 топқа бөлінді. Олар: "Ұлағат" тобы, "Парасат" тобы, "Ғибрат" тобы.

Тәрбие сағаты барысында «Салт дәстүрді білеміз бе?» айдарымен сұрақ жауап қойылды. «Ою-өрнек сәніміз» атты топтық жұмыс көрсетілді және «Ырым тыйым ұлағат көзі» атты карточкадан сөздер құрастырып мағынасын түсіндіру жұмыстары жүргізілді. Ашық тәрбие сағаты соңында зейнеткер ағамыз бата тілегін айтты.