"Ән әлемінің падишасы" фестиваль болып өтті
qarmaqshy-tany.kz Ағымдағы жылдың 2 желтоқсан күні ауылдық мәдениет үйі қызметкерлерінің ұйымдастыруымен мекемелер мен шаруашылықтардың қатысуымен КСРО-ның Халық әртісі, Қазақстанның Халық қаһарманы Роза Бағланованың 100 жылдық мерейтойына арналған "Ән әлемінің падишасы" атты тақырыбында фестиваль болып өтті.
ІІІ Интернационал ауылдық округі әкімі Нұрлыбек Сайымов әншінің өмірі мен еңбек жолы туралы естеліктер айтып, қатысушыларға сәттілік тілеп, сөз сөйлеп ашып берді.
Фестивальдің ашылуы да өз алдына ерекше болып, тыңдаушыларға әдемі әсер қалдырды. Роза апамыздың қалай сахнаға келгендігі туралы пролог көрсетілді. Фестивальге әрбір мекемеден бір орындаушыдан қатысып, олар
Роза Тәжібайқызының орындауындағы тамаша әндерді шырқап, ереже бойынша екінші еркін тақырыпта өздерінің қалаған әндерін орындап өзара жарысты.
Нәтижесінде әділ қазылар алқасының шешімі бойынша ең үздік деп танылған қатысушы мәдениет үйінің үй сыпырушысы Гүлзира Жетпісбаеваға берілді. Қатысушылардың барлығы мәдениет үйі директоры Т.Асылбековтың арнайы дипломдарымен, бағалы сыйлықтар марапатталды.
Ауыл тұрғындары кештің тартымды өтті. Соңында би билеп, естелікке суреттерге түсті.
Шара барысында үлкен құрметпенен жылдар өткен сайын ерекше дарын иесіне деген халықтың сағынышы басым екендігі көрініп тұрды.
