Заңсыз жолаушы тасымалдаушы

qarmaqshy-tany.kz 2022 жылдың қараша айының 28 мен 02 желтоқсан күндері аралығында қоғамдық тәртіпті сақтау мен жол қозғалысы қауіпсіздігін қамтамасыз ету, жол көлік оқиғаларының алдын алу, жол қозғалысы ережелерін өрескел бұзушылықтың, әсіресе заңсыз жолаушы тасымалымен айналысатын автобус және такси көлік құралдарын анықтау мақсатында Қармақшы ауданының полиция бөлімімен аудан көлемінде «Заңсыз жолаушы тасымалдаушы» жедел-профилактикалық іс-шарасы өткізілуде.

Іс-шара өткізілуіне байланысты АПб-нің жеке құрамы күшейтілген түрдегі қызмет атқаруға көшіріліп, жоспар әзірленді. Шара барысында аудандық полиция бөлімі бастығының бұйрығына сәйкес, аудан көлемінде жолаушыларды заңсыз тасымалдап жүрген көлік құралдарын анықтап, жолын кесу бағытында Қармақшы аудандық басқармасымен бірлесіп жұмыстар атқарылуда.

Сонымен бірге, сала мамандары тарапынан жол ережесін бұзбау, белгіленген автотұрақтан жолаушыны мінгізу қағидаттары жүргізушілерге түүсіндірілуде.

Қармақшы АПб-нің ЖПҚб-сі