"Мектеп үйрететін орта, оның жүрегі-мұғалім"

qarmaqshy-tany.kz 2022 жылдың 16 қараша күні "Т.Ізтілеуов атындағы №29 орта мектебі" коммуналдық мемлекеттік мекемесінің ғылыми-әдістемелік кабинеттің айлық іс-шара жоспарына сәйкес "Сыни тұрғысынан ойлау арқылы оқушылардың шығармашылық қабілетін дамыту" тақырыбында педагогтар арасында дөңгелек үстел болды. Аталған тақырыптағы дөңгелек үстелдің мақсаты:

- оқушылардың білім деңгейін көтеруде, шығармашылыққа баулуда, ойларын еркін айтуға, дұрыс шешім қабылдауға үйрету мақсатында мұғалімдер сыни тұрғысынан ойлау арқылы түрлі тапсырмалар орындау арқылы, жаңа әдіс-тәсілдерді қолдана отырып, топпен жұмыс жасап, ойларымен бөлісіп, тәжірибе алмасты.

Қазіргі білім беру жүйесінің мақсаты- бәсекеге қабілетті тұлға дайындау. Мұғалімнің міндеті - баланың өзіне деген сенімін арттыру, өзін тұлға ретінде сезінетіндей мүмкіндік ашу.

Қазіргі таңда мектеп оқушыларының мұғалімнен күтері мол. Сондықтан оқушыларды сабаққа белсене қатыстыру үшін әр сабақ барысын жаңа формада жүргізуіміз шарт. Аталған тақырыпта өтілген дөңгелек үстел өз мақсатына жетті. Осы аталған дөңгелек үстелге атсалысқан зерттеуші, қазақ тілі мен әдебиеті пәні мұғалімі Р.Алдамұратова және мектептің психологтары Ғ.Ибрашев, Г.Мүсілімоваларға алғыстарын айтады.