qarmaqshy-tany.kz Т.Ізтілеуов атындағы №29 орта мектебі коммуналдық мемлекеттік мекемесінде «Цифрлы Қазақстан» мемлекеттік бағдарламасы аясында, 21 қазан - Цифрландыру күніне орай 10-11 сынып білім алушылары арасында ақпараттандыру жұмыстары кеңінен жүргізілді.

Цифрландырудың негізгі мақсаты – бәсекеге қабілеттілікті арттыру, халықтың өмір сүру сапасын жақсарту, оқу-тәрбие процесін жеделдету және жеңілдету, балаларға, ұстаздарға, ата-аналарға жүктемені азайту. Ең бастысы – білім беру сапасын арттыру.

Білім алушыларға «eGov mobile» электрондық үкіметтің мобильді қосымшасы және «ХҚКО» мобильдік қосымшасындағы сұранысқа ие анықтамаларды смартфон, ноутбук арқылы жылдам әрі оңай алу мүмкіндіктері туралы түсіндірме жұмыстары жүргізіліп, қызметтерді алу жолдары көрсетілді.