«Учаске» жедел-профилактикалық іс-шарасы

Қармақшы ауданында қаңғыбастыққа салынған жасөспірім бейімдеу орталығына орналастырылды.

ҚР ІІМ-нің нұсқауына сәйкес, 2022 жылдың қазан айының 1-мен қараша айының 1-і күндері аралығында өткізіліп жатқан «Учаске» жедел-профилактикалық іс-шара аясында Қармақшы ауданының Полиция бөлімінің Жергілікті полиция қызметі бөлімшесінің кәмелетке толмағандар істері жөніндегі учаскелік полиция инспекторларымен кәмелетке толмаған жасөспірімдердің мезгілсіз уақытта жүруін болдырмау, кәмелетке толмағандар арасындағы қылмыстар мен құқық бұзушылықтың алдын алу мақсатында жүргізілген рейдтік іс-шаралар барысында қаңғыбастыққа салынған бір жасөспірім анықталды. Тексеру барысында аталған жасөспірім Маңғыстау облысының Мұнайлы ауданында орналасқан мектептің 8 сынып оқушысы болып шықты. 2008 жылы туылған Т.О есімді жасөспірім Қызылорда қаласындағы бейімдеу орталығына орналастырылды.