Қармақшы ауданы C.Есқараев атындағы №27 орта мектебінде мұғалімдер күні мерекесіне орай мектеп директорының бағдарлы оқыту ісі жөніндегі орынбасары Г.Әбділдаеваның ұйымдастыруымен «Ақылшы ұстаз, талантты шәкірт» тақырыбында ұстаздар мен оқушылар арасында сайыс өткізілді.

Сайыс барысында ұстаз шәкіртімен бірге түрлі тапсырмалар орындап, үздік шыққан топ жеңімпаз атанды. Мектеп тәлімгері Ж.Накубаева және шәкірті П.Сәулебек «Бас жүлде», химия пәнінің мұғалімі Б.Тәженова және шәкірті Н.Қанибаева «І орын», бастауыш сынып мұғалімі А.Жұмағалиева және шәкірті Ш.Алтынбекқызы «ІІ орын», қазақ тілі мен әдебиеті Д.Төлегенова және шәкірті Р.Өтепбергенов «ІІІ орын», информатика пәнінің мұғалімі Р.Мысаева және шәкірті А.Абибуллаева, қазақ тілі мен әдебиеті пәнінің Ш.Нақыпова және шәкірті А.Жұмағазықызы, музыка пәнінің мұғалімі Д.Таңқыбаев және шәкірті Ж.Жұмағазиевтер алғыс хатпен марапатталды.