"Amanat" партиясының "Ұлттық мұра" партиялық жобасының мақсаттарының бірі- қазақтың ұлттық ойындарын насихаттау, дәріптеу. "Amanat" партиясының Қармақшы аудандық филиалының қолдауымен және демеушілік жасауымен "Қараөзек" БПҰ-на қарасты С.Есқараев атындағы №27 орта мектебінің ер мұғалімдері арасында қазақтың ұлттық ойындарынан сайыс өткізілді.

Асық ату ойынына қатысқан математика пәні мұғалімі Жұмағұлов Наурызбай І орынды, дене шынықтыру пәні мұғалімі Тұрабаев Нұрмаш ІІ орынды, ІІІ орынды ағылшын тілі пәні мұғалімі Тұрлыбеков Темірлан жеңіп алды.

Қол күресінен І орынды дене шынықтыру пәні мұғалімі Бекмаханов Ерболат, ІІ орынды дене шынықтыру пәні мұғалімі Науанов Раушанбек, ІІІ орынды көркем еңбек пәні мұғалімі Уксукбаев Батырбек жеңіп алды.

Тоғызқұмалақ ойынынан І орынды математика пәні мұғалімі Жұмағұлов Наурызбай, ІІ орынды дене шынықтыру пәні мұғалімі Тұрабаев Нұрмаш, ІІІ орынды дене шынықтыру пәні мұғалімі Бекмаханов Ерболат жеңіп алды.

Ұлттық ойындар сайысына қатысқан барлық ұстаздарды халқымыздың ұлттық ойындарын насихаттау бағытындағы іс-шараға белсене қатысқандары үшін алғыс білдіреміз.