Балабақшадағы балалардың қауіпсіздігі

Аудан көлемінде ағымдағы жылдың 15-22 қыркүйек күндері «Бала-бақша» жедел-профилактикалық іс-шарасы өткізілді.

Мақсаты – балабақшалар мен мектепке дейінгі ұйымдардың балаларын тасымалдауға арналған көлік құралдарын анықтап, жай-күйіне тексеру жұмыстарын жүргізу.

Осыған орай, Қармақшы ауданының Полиция бөлімінің Әкімшілік полиция бөлімшесінің қызметкерлерімен ауданға қарасты балабақшалар бойынша аралау жұмыстары жүргізіліп, балаларды тасымалдау қызметін асырған жағдайда ҚР Үкіметінің 13.11.2014 жылғы №1196 санды қаулысымен бекітілген «Жол жүрісі қағидалары» нормативтік құжатының 22-ші «Жолаушылар тасымалдау» тармағының талаптарын орындау қажеттігі түсіндірілді.

Балалардың қауіпсіздігі әрдайым басты назарға алынып, жұмыстар одан әрі жүргізіле беретін болады.