Әділетті Қазақстан құруда мұғалімдердің рөлі маңызды - Тоқаев

Әділетті Қазақстанды құруда мектеп мұғалімдерінің шешуші рөл атқаратынына терең сенімдімін. Бұл туралы Мемлекет басшысы Қазақстан халқына Жолдауында айтты, деп хабарлайды Egemen.kz.

«Әділетті Қазақстанды құруда мектеп мұғалімдерінің шешуші рөл атқаратынына терең сенімдімін. Соңғы жылдары бұл мамандықтың тартымдылығын арттыру мақсатында мемлекет тарапынан ауқымды жұмыстар атқарылуда. Дегенмен, бұл бағытта әлі де оң өзгерістер қажет», деді Мемлекет басшысы.
Сондай-ақ Мемлекет басшысы педагогикалық жоғары оқу орындарын аккредиттеудің жаңа стандартын қабылдап, мұғалімдердің құзыреттілік шеңберін әзірлеу қажеттігін атап өтті.
«Жаһандық ғылыми-техникалық прогресті ескере отырып, орта мектепте жаратылыстану-математика пәндерін және ағылшын тілін оқытуды күшейту маңызды», деді Қ.Тоқаев.