Ұлт мұрасы – ұрпақ қазынасы

ұлтты басқа ұлттан даралайтын – оның ұлттық құндылықтары. Ұлттық мұрамыз шын бағасын алғанда ғана жоғымыз түгенделіп, өшкеніміз жана бермек. Еліміздің ертеңі болып табылатын жас ұрпақты ұлттық құндылықтар негізінде тәрбиелеу – аса өзекті мәселе. Осы орайда аудандық Жастар ресурстық орталығында ұлттық мұраларымызды, құндылықтарымызды насихаттау мақсатында кездесу кеші өтті.

Онда ғасырлар бойы ұлттың болмысын бейнелеп келе жатқан қазақтың қара домбырасы және ұлттық бас киімі тақиясы туралы пайдалы мағлұматтар дәріптеліп, күй шырқалып, арнау айтылды.

Іс-шарада Жастар ресурстық орталығының директоры Сырым Әділбеков және жалынды жас Сулас Хамитов сөз алып, ұлттық құндылықтарды әрқашан биік қою керектігін атап өтті.