Дүниежүзілік "Ана сүтімен қоректендіру" апталығы аясында Қармақшы аудандық емханасының "Жас аналар мектебі" кабинетінде ЖДО, СӨСҚ мамандарымен тренинг ұйымдастырылды.
Шараға жас аналар мен жүктілік кезеңіне әзірлік жасап жүрген келіншектер қатысып, қажетті ақпараттар алды. Ойларында жүрген сұрақтарын қойып, толыққанды жауаптар алды.
Емхананың СӨСҚ кабинеті мейірбикесі Д.Құлмырзаева, ЖДО медбикесі М.Бекова, аталған кабинет акушері Ә.Мерековалар тренингке қатысушылармен пікір алмасып, дені сау баланы дүниеге әкелу тақырыбына тоқталды.
Осы бағыттағы бағдарламалармен жұмыс жасауда қол жеткізетін нәтижелерді тілге тиек етті.
Ақпараттық танымдық материалдар таратылып, ана мен бала арасындағы байланыс жөніндегі қызықты тренингтер жасалды.