Сыбайлас жемқорлықпен күресуде құқықтық түсіндіру жұмыстарының маңызы зор
Бүгін ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Бақытжан Ниязов Қармақшы ауданына келіп, аудан әкімі аппаратының қызметкерлері, кент және ауылдық округ әкімдерімен кездесті.
Басқосуды аудан әкімі Әділбек Ерсұлтанов ашып, кездесудің күн тәртібіндегі негізгі мәселесіне тоқталып өтті.
ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Бақытжан Ниязов қазіргі қоғам үшін сыбайлас жемқорлықпен күрес ең өзекті мәселелердің бірі болып табылатынын жеткізді.
Сонымен қатар, мемлекеттік қызметшілердің сыбайлас жемқорлыққа қарсы іс – қимыл заңнамасын сақтауды, сыбайлас жемқорлық бойынша Қылмыстық және Әкімшілік құқық бұзушылық Кодекстерінде көзделген жауапкершілік түрлері мен аймақтарда туындаған сыбайлас жемқорлық тәуекелдер мәселелері жөнінде кеңінен айтып өтті.
Кездесу соңында мемлекеттік қызметшілер сыбайлас жемқорлыққа байланысты өздерін толғандырған сұрақтарын қойып, толыққанды жауаптарын алды.
