«Тұрмыс» жедел профилактикалық іс-шарасы өтті

Қазақстан Республикасы Ішкі істер министрлігінің нұсқауына сәйкес, Қармақшы ауданы көлемінде отбасы-тұрмыстық қатынастар саласында және алкогольдік масаң күйде жасалатын қылмыстар мен құқық бұзушылықтардың алдын алу бойынша жұмыстарды ұйымдастыруды жетілдіру мақсатында 2021 жылдың 09 - 16 маусым аралығында «Тұрмыс» жедел-профилактикалық іс-шарасы өткізілуде.

Іс-шараның негізгі мақсаты – ішкі істер органдарында профилактикалық есепте тұрған адамдарды тұрғылықты жері бойынша тексеру, отбасылық-тұрмыстық қатынастар саласында құқық бұзушылыққа жол беретін, алкогольді ішімдіктерді асыра пайдаланатын адамдарды анықтау және есепке қою, сондай-ақ олардың тарапынан қылмыстарға жол бермеу болып табылады.

Жедел алдын алу шарасы аясында учаскелік полиция инспекторларының қолда бар барлық ықпал ету нысандарын пайдалана отырып, құқық бұзушылықтар жасауға, оның ішінде отбасы-тұрмыстық қатынастар саласында құқық бұзушылықтар жасауға бейім адамдарды анықтау және олармен профилактикалық жұмыс жүргізу жөніндегі жұмыс жандандырылып, мекен-жайлары бойынша тексеріс жүргізіледі. Сонымен қатар, пәтер және аулаларды аралау барысында әкімшілік учаскелерде профилактикалық маңызы бар, оның ішінде ӘҚБтК-нің 73, 73-1, 73-2, 127, 440, 442, 461, 669(2,3,4-бөлігін) баптары бойынша құқық бұзушылықтарды анықтау бойынша шаралар қабылдануда.

Профилактикалық жұмысты жүргізу кезінде полиция

органдарында есепте тұрғандар бойынша тұрғылықты жерлерінен тексеру жұмыстары жолға қойылды.