Қызылорда облысындамемлекеттік қызметтерді цифрлық нысанда пайдалану дағдыларына 20-дан астам ерікті оқытылып, бүгінгі таңда өзіне-өзі қызмет көрсету секторларында келушілерге көмек көрсетілуде.

Аталмыш бастама«Мемлекеттік аппаратты кәсібилендіру, мемлекеттік қызмет көрсету сапасын қамтамасыз ету және сыбайлас жемқорлықтың алдын алу тетіктерін жетілдіру» жобасы аясында жүзеге асырылуда. Жоба ұйымдастырушылары -ҚР Мемлекеттік қызмет істері агенттігіжәне БҰҰ Қазақстандағы даму бағдарламасы.

Маусым айынан бастап,еріктілер, тұрғындарғаэлектронды үкімет порталын пайдалану және мемлекеттік қызметтерді алуға онлайн тапсырыстар беру, Телеграмм желісінде қызметтер алу, кезекті алдын ала брондау жолдарын үйретуде.

Агенттіктің Қызылорда облысы бойынша департаментіеріктілерге арнайы кепкалар, бейдждар және қауіпсіздік шараларын сақтау мақсатында бетперделер таратылды.

Еріктілік практиканың ұзақтығы 6 айды құрайды. Тәжірибе сәтті аяқталғандарға ұйымдастырушылардан сертификат берілетін болады.

Айта кету керек, аймақтағы қызмет беруші мекемелер тарапынан 2020 жылдың 1-тоқсанында 881103 қызмет көрсетілген.Оның 86 пайызы электронды түрде көрсетілген. Электронды түрде қызметтер алу үлесі өткен жылдың осы кезеңімен салыстырғанда 11,1 пайызға артқан.