Ветеринарлық іс шаралар атқарылуда
ЖОСАЛЫ, 7 сәуір – qarmaqshy-tany.kz Еліміз бойынша төтенше жағдай жариялануына байланысты тиісті шектеулер қойылуда. Алайда Республикалық тапсырыс бойынша бекітілген ветеринариялық іс-шаралар тоқтамауы тиіс.
Ауданымыздың эпизоотиялық ахуалын тұрақты ұстап тұру мақсатында ауыл шаруашылығы жануарларына аса қауіпті және энзоотиялық ауруларға қарсы профилактикалық, диагностикалық шаралармен қатар, төлдерді бірдейлендіру, қаңғыбас ит, мысықтарды жою жұмыстары жалғасуда. Қазіргі таңда жоспарға сәйкес аса қауіпті ауруларға қарсы барлығы 81150 бас, энзоотиялық ауруларға қарсы 14200 бас ауыл шаруашылығы жануарларына алдын ала егу жүргізілсе, 21616 бас ауыл шаруашылығы жануарларына диогностикалық тексеру жүргізілді.
Сонымен қатар 5930 бас төл сырғаланып, таңбаланды. Бұл шаралар өз жалғасын табатын болады.
