Ауылда 7 жасар қызды жертөлеге қамап қойған педофил ұсталды
Бұл факті ҚР Қылмыстық кодексі 120-бабының 4-бөлігі («Кәмелетке толмағандарға зорлық») бойынша тіркелді.
Алматы облысы Талғар ауданының Талдыбұлақ кентінде жоғалған 7 жасар қыз жертөледен табылды, деп хабарлайды Skifnews.kz ақпарат порталы, облыстық ПД баспасөз қызметіне сілтеме жасап.
Полицейлердің айтуынша, Талдыбұлақ тұрғынынан 7 наурыз күні сағат 20.34-те 2012 жылы туған баланың жоғалып кеткені туралы хабарлама түскен. Тәртіп сақшылары сол сәтте жедел-іздестіру жұмыстарын бастады.
«Cеруендеу кезінде жоғалған бала осы ауылдың бір ғимаратының жертөлесінен табылды. Сол жерде 1990 жылы туған Н. есімді күдікті ұсталды. Бұл факті ҚР Қылмыстық кодексі 120-бабының 4-бөлігі («Кәмелетке толмағандарға зорлық») бойынша тіркелді.
Қазіргі уақытта сотқа дейінгі тергеу жүріп жатыр. Барлық қажетті сараптамалар тағайындалды», - деп хабарлады Алматы облысының Полиция департаменті.
