Bek Air ұшағының қара жәшігі Мәскеуге жіберіледі
Алматы маңында апатқа ұшыраған Bek Air әуекомпаниясының Fokker 100 ұшағының қара жәшігін оқу үшін Мәскеуге жібереді. Бұл туралы индустрия және инфрақұрылымдық даму вице-министрі Берік Қамалиев айтты, - деп хабарлайды Tengrinews.kz тілшісі. – Кеше вице-премьер Роман Скляр мемлекетаралық авиация комитетінің төрағасымен сөйлесті. Бүгін кешке, 18.40-та Мәскеуден Алматыға сарапшы келеді. Жедел-тергеу тобы жұмыс істейді, борттан өздігінен жазатын аппарат алынды. Ертең біз қара жәшікті оқу үшін мемлекетаралық авиация комитетіне, Мәскеу қаласына жібереміз. Дүйсенбіден бастап жұмыс басталады, – деді Камалиев Нұр-Сұлтан қаласындағы ОКҚ брифингінде.
27 желтоқсанда сағат 07:22-де Bek Air әуе компаниясының ұшағы № Z2100 Алматы - Нұр-Сұлтан бағытындағы рейсін орындау кезінде апатқа ұшыраған. Нәтижесінде екі қабатты ғимаратпен соқтығысқан. Бірден құтқару жұмыстары басталған, өрт шыққан жоқ.
