Бұл туралы The Wall Street Journal мәлімдеді. Айтуларынша, аталған кен өнідірісінде мұнай өндірумен айналысатын Royal Dutch Shell ұйымы келесі жылы ең соңғы мұнай қорын эксплуатациялаудан өткізеді екен. 

Brent мұнай кені Шетландтық аралдар мен Норвегияның ортасында орналасқан. Бұл кен орнын 1971 жылы анықтапты. Ең алғаш ашылған кезде аталған мұнай қоры әлемдегі ең ері қара алтын өндірілетін аймаққа айналған. 1975 жылдан бастап кеншілер бұл жерден табиғи газ бен мұнай өндіре бастапты. 1980 жылы Brent қоры қара алтынның эталонына айналған: әлемнің басқа түкпірлерінде табылатын мұнайдың бағасы осы жердегі бағамға тәуелді болып келіпті. 

Дегенмен 1990 жылдан бері мұнай сарқыла бастапты, ал Brent кен орнынан табылатын мұнай қоспаға айналып, өзінің беделдігін жоғалтқан көрінеді. 

Royal Dutch Shell ұйымының деректеріне сәйкес, осы уақытқа дейін Brent кен орнында 2 миллиард баррельден астам мұнай мен 161 миллиард кубометрді құрайтын газ өндірілген.