Ауыл LIFE

qarmaqshy-tany.kz "Жастар ресурстық орталығы" Байқоңыр қалалық бөлімі, "Жас Отан" ЖҚ Байқоңыр бөлімшесінің ұйымдастыруымен Байқоңыр қаласының жастарын ауыл тынысымен таныстыру мақсатында Қармақшы ауданы, Иіркөл ауылында жастарға арналған бір күндік жастардың еңбек лагері өтті. Шара барысында жастар ерте тұрып, қыздар сиыр сауып, ұлдар малды өріске қосып, мал сойып, ішек-қарын тазалап, пішен жинап, қора тазалады. Ауыл өмірінің қызықты бір күні қала жастары үшін естен кетпес күн болды. Бір топ жас керемет көңіл күй сыйлағаны үшін Иіркөл ауылының Тұрмахановтар әулетіне алғысын білдірді.