«Біз іссапармен Қытайға және Татарстанға барып келдік. Онда жаңа заманауи технологиялардың дамуына көз ілеспейді. Бұл мемлекеттердің озық ақпараттық технологияларды игеруде көші алда екенін байқадық», - деді Қырымбек Көшербаев.

Елбасы Нұрсұлтан Назарбаев халыққа жолдауында басты нысананы Цифрлы Қазақстанға бағыттаған болатын. Өйткені, әлемнің дамуы «Қашан жетіп алар екен?» деп бізді тосып тұрмайды. Бұл – «Басып оз, шамаң жетпесе жол бер» деген жаһанданудың ұстанымы екені даусыз. Сондай-ақ, Қырымбек Көшербаев өңріде бұл тұрғыда атқарылып жатқан ауқымды істерді атап өтті. CNEEC (Қытай ұлттық электр инжиниринг корпорациясы) компаниясының басшылығымен кездескен Қ.Көшербаев қытайлықтармен Қызылордада «Ақылды қала» жобасын іске асыру мақсатындағы келіссөздерге қатысты.