ҰЛТТЫҚ АТ СПОРТЫ ӨТТІ

Жуырда Қармақшы ауданының 90 жылдығына орай аудандық мәдениет үйінде өңірге белгілі тұлғалар Мықаев Қорғанбек, Мықаев Бодан Қорғанбекұлы мен Сүлейменқызы Рабиғаны еске алуға арналған танымдық шаралар өтті. Аудандық мәдениет үйіндегі шаралардан соң, еске алудың соңы ұлттық спортқа жалғасты. Нәтижесінде тай бәйгесінен қармақшылық Р.Аршабеков ІІІ орыннан көрінсе, А.Таңсыбай ІІ орынды иеленді. Ал, айдынды Арал ауданынан келген Т.Бекзахұлы І орынды қанжығасына байлады. Құнан бәйге бойынша 12 шақырымдық жерге 4 айналым жасаған шабандоз Б.Есенбек ІІІ орынды иеленсе, шиелілік Н.Сайлау ІІ орынды иемденіп, қармақшылық Е.Амангелдиев тұғырлы І орынды жеңіп алды. Ал, Аламан байгеда 21 шақырымға 7 айналым жасаған Б.Айтуаров V орынды қанжығасына байласа, Н.Байтабынов IV орынды мүсе тұтты. Сырдариядан келген А.Таңсыбай ІІІ орыннан көрінсе, созақтық Н.Мелдібек ІІ орынды иеленді. Қарсыластарының қайсарлығына мойымаған Шиелі ауданының тумасы Н.Сайлау жүлделі І орынды жеңіп алды. Барлық жеңімпаздарға алғыс хат пен қаржылай сыйлық табысталды.

Айнұр ӘЛИ,

ҚТ ақпарат