2028 жылғы УЕФА Суперкубогы Астанада өтеді
Сурет: UEFA
2028 жылғы УЕФА Суперкубогы Астанада өтеді. Бұл туралы УЕФА Атқарушы комитетінің Салоникиде өткен отырысында белгілі болды, деп хабарлайды Egemen.kz.Маңызды футбол матчы елордадағы «Астана Арена» стадионында ұйымдастырылады. Осылайша Қазақстан футбол тарихында айтулы халықаралық спорттық оқиға өтетін болады.
УЕФА Суперкубогы аясында Чемпиондар лигасы мен Еуропа лигасының жеңімпаздары кездеседі. Турнирдің нақты өтетін күні алдағы уақытта жарияланбақ.
Еске салайық бұған дейін «Астана» футбол клубы соңғы уақытта клуб жұмысының тұрақтылығына әсер еткен қаржылық мәселелердің реттелгенін хабарлаған болатын.
