ЖАС БАЛУАНДАР БӘСЕКЕСІ
ЖАҚЫНДА ПАВЛОДАР ҚАЛАСЫНДА САМБО КҮРЕСІНЕН ЖАСӨСПІРІМДЕР АРАСЫНДА ҚАЗАҚСТАН РЕСПУБЛИКАСЫНЫҢ ЧЕМПИОНАТЫ ӨТТІ. ЕЛДІҢ ТҮКПІРІНЕН ЖИНАЛҒАН ДОДАҒА АУДАННЫҢ НАМЫСЫН ҚОРҒАУҒА 2009-2010 ЖЫЛҒЫ ЖАСӨСПІРІМДЕР ҚАТЫСТЫ.
Жарыстың мақсаты – бұқаралық спортты ел арасында кеңінен дамыту, болашақ чемпиондарды анықтау. Ауданнан барған спортшыларымыз намысты қолдан бермей бозкілемде өнерлерін көрсетіп, мықтылығын дәлелдеді. Бапкерлер Ерлан Жақсыбеков, Бақберген Тәттімбетов, Сымбат Оспановтың үкілеген шәкірттері жүлделі орындардан көрініп, аудан мерейін үстем етті.
Нәтижесінде 64 келі салмақ дәрежесінде Арқар Бақытжан І орын, 53 келі салмақ дәрежесінде Рамазан Қожахметов, 88 келі салмақ дәрежесінде Алихан Алиасқаров жүлделі ІІІ орындарға ие болды. Сонымен қатар Арқар Бақытжан алдағы уақытта Өзбекстан мемлекеті, Ташкент қаласында өтетін Азия чемпионатына жолдама алды.
Құралай АЛТАЙҚЫЗЫ
