Ел қоржынына алғашқы медаль - қола жүлде түсті
Қытайдың Чэнду қаласында өтіп жатқан ХХХІ Жазғы универсиадада ел қоржынына алғашқы медаль түсті, дзюдошы Сұңғат Жұбатқан қола жүлдегер атанды, деп хабарлайды Egemen.kz.
Балуандардың белдесулерінде мажар, түрікмен, әзербайжандық дзюдошыларды тізе бүктірген, оларға қоса, қола жүлде үшін болған кездесуде өзбекстандық Абдурахим Нутфуллоевты жеңген Сұңғат Жұбатқанның кеудесіне қола медаль тағылды.
28 шілде күні басталып, 8 тамызға дейін созылатын аталмыш универсиадада 90 қазақстандық студент спорттың түрлі салалары бойынша бақ сынасады.
