Карсондағы (Калифорния штаты, АҚШ) StubHub Center аренасында Геннадий Головкин (37-0-1, 33 КО) мен Ванес Мартиросян (36-3-1, 21 КО) айқасының аясында жекте-жектер жалғасуда. Sports.kz сайтының хабарлауынша, бокс кешінің андерткартында өнер көрсеткен тағы бір қазақстандық Руслан Мәдиев (11-0, 5 КО) кезекті жеңісіне қол жеткізді. Бірінші орта салмақта мексикалық Хесус Переспен болған жекпе-жек он раундтқа созылып, төрешілер бірауыздан жеңісті Русланға берді. Мексикалық бұған дейін жеңілістің кермек дәмін татып көрмеген – 21-0, 16 КО. Бокс кешіндегі өзге айқас нәтижелері: Джесси Родригес (6-0, 4 КО) – Армандо Васкес (25-22-1, 6 КО) (бірінші аса жеңіл салмақ) – Родригес үшінші раундта нокаутпен жеңді Брайан Себальо (2-0, 1 КО) – Нэм Фан (3-6-1, 2 КО) (жартылай орта салмақ) – Себальо төрешілер шешімімен жеңіске жетті.